▌澳門遊 ▌‧酒店篇

2013.11.18 & 19 - Macau 2 Days Trip



作為澳門路氹金光大道 ^® 中心點─金沙城中心為您日夜帶來最震撼心靈及刺激的感官新體驗。 專為悠閑旅游及商務旅客而設，奇遇及驚喜處處，這個度假村以最親切的款待、多項住宿選擇、令人驚嘆的現場娛樂、世 界級食府及奢華免稅名店，讓您逃離俗世煩囂。金沙城中心，精彩匯聚！

• 3 大國際知名品牌酒店
• 5,800 間酒店客房
• 超過 20 間餐廳選擇
• 20,000 平方米的會議空間
• 64 間多用途會議室
• 100 間品牌名店
• 現場娛樂表演

*********************************************************************************

估唔到二年多前是一片空地

而家已經變為『金沙城中心』

澳門的酒店真係.... 越來越多呀!

犀利~

澳門之旅 ~ 揀選 Sheration Macao Hotel 主要原因當然係平啦!!

比起Galaxy 仲唔係好平

如果係Summer 我當然會住Galaxy 啦!!

講返呢間酒店

由氹仔碼頭坐酒店巴士10分鐘到就到

好方便!! 而且隔離就係Venetian Macao, 再行多十幾鐘就到Galaxy

因為係平日, 可以提早11點check in

心急的小Fan 覺得check in 好慢

起碼攪左20分鐘

連小霸王都等得唔耐煩

幸好服務態度好好

仲送上『夢工場神秘驚喜』

*********************************************************************************

澳門喜來登酒店共設兩座大樓 -『浩天樓』及『宏地樓』

每間房有3張房咭

而今次我們這一家就入住 『浩天樓』(Tower 1) - RM 2313

入到房間第一個感覺 - 滿意

整齊、新淨、空間都算大

景觀就可以啦!!

▲ 因為有小朋友的關係，我揀左 2張 Single bed

▲ ▼ 浴室+洗手間，好大呀!!

▼ 放完架 BB 車仲有位行

▼  最重要係小朋友入到房有冇唔鍾意，小霸王就完全當左係自己間房囉!!

▼ 床褥 + 枕頭就軟左小小囉!! 而且床單就洗得唔係咁乾淨

▼ 小霸王第一次見咁大個浴缸

佢好開心，好興奮!!

沖涼沖到唔捨得起身

▼ 初頭都有點擔心小霸王會害怕陌生環境

但點知... 佢完全係冇有怕囉!!

一晚過後，結果係.....

玩到12點先肯瞓的小霸王

一整晚都瞓得好好，好甜!!

仲瞓到8點先肯起身。

而我呢... 每一個鐘起身一次

即係冇乜點瞓過囉!!

叉足一晚電的小霸王

比昨日更精神、更活潑!!

*********************************************************************************

Sheration Macao Hotel 評分:

房間: ★★★★☆

清潔: ★★★★☆

服務: ★★★★★

地點: ★★★★★

▌澳門遊 ▌‧準備篇

2013.11.12

其實早在 9月老公仔未決定辭職前已經計劃去下旅行
原本係一家人去日本沖繩
到老公仔話未必請到假而等下先
點知10月頭老公仔頂唔順佢上司突然辭職
(都唔係突然架啦, 話想辭職已經半年多)
旅行時間同地點就... 一改再改

最後當然係改到..... 冇咗啦!!
坐飛機坐唔成小FAN 梗係好唔開心啦!!
話晒等左 3年先話有時間去下....
唉... 冇計!! 唯有等多一年吧!!

坐唔成飛機去下兩日團都不錯
熟習下先都好
始終未帶過小霸王出外旅行

就係咁.... 不足一星期時間就決定左
『2013.11.18 & 19 澳門二日一夜之旅』

因為唔想煩
所以就o係新華 book package
見到最抵又唔錯的!

*******************************************************************

澳門【喜來登】金沙城中心酒店2 天1 晚套票 【團號：CMTF02CH】

套票包括：

1. 金光飛航來回澳門船票及包碼頭稅，
2. 入住豪華客房1 晚
3. 來回酒店穿梭巴士碼頭接送
4. 酒店自助早餐或午餐(自選其一)
5. 每房可享夢工場神秘驚喜

「驚喜時刻」旅遊優惠:

1. 包銀河快富站餐券每房2 張（更可享銀河娛樂消費券）
2. 澳門咀香園 9 折券
3. 優惠價 訂購「澳門銀河」群芳自助餐 (HK$330/位, 3歲以下小童不收費)
4. 優惠價 訂購 水舞間/ 冰之世界門票（冰之世界11 月21 日開始）
5. HK$50 旅遊折扣券（每房1 張，適用於明年3 月31 日前再次訂購澳門2 天酒店套票）

成人(佔半房):            $949/位
小童 (17 歲或以下):  $430/位
另加旅遊保 $42/位

埋單: HK$2454.-

*******************************************************************

  

澳門喜來登金沙城中心酒店 位於全新的金沙城中心，集優越的地理位置、先進的設施和世界一流的服務於一身。酒店所在的路氹金光大道被譽為『亞洲拉斯維加斯』，匯集了澳門的 傳統文化景點、 著名特色餐廳、 熱門娛樂場所和 世界級免稅店等。

澳門喜來登酒店共設兩座大樓-『浩天樓』及『宏地樓』，是全澳門最大型的酒店，擁有 3,896 間設備完善的 客房及套房。亦 是喜達屋酒店及度假村國際集團的全球最大酒店。

我們的特色設施包括：

• 452平方英尺/ 42平方米
• 喜來登甜夢之床®
• iPod的基座及鬧鐘收音機
• 可提供連通客房（特定樓層）
• 獨立浴缸及淋浴間
• 免費使用喜來登健身中心及游泳池

氹仔客運碼頭：

• 行駛距離： 全程約需 3.1 公里/1.93 英里
• 交通時間：8分鐘
• 免費酒店班車：早上7點半 – 凌晨1點，每5 – 15分鐘一班

抵達澳門後，可在碼頭搭乘金沙城中心的免費穿梭巴士直抵酒店大門，讓你立即享受我們的熱情款待。

*******************************************************************

訂好 PACKAGE
就要開始諗下行程呀??
諗下要帶乜野??食乜野??

最重要係... 小霸王証件

兒童遊澳門需備有效證件:

如果是十一歲以下的兒童，最正確的做法是持回港證過境。如果該兒童持有適用於十一歲以下沒有相片的香港永久性居民身分證，則需同時帶備附有照片的有效旅行證件，例如回港證、英國國民（海外）護照、香港特區護照。

好彩早早申請左, YEAH!!
可以出發囉!!
好期待呀!!

♡ 兩老表 ♡

2013.11.10 (Sun) ~ Day 486

哈哈... 今日三缺一

因為表姐仔跟左爸爸媽媽去睇少時演唱會

表弟仔冇得去

只好留在婆婆家

小FAN 我呢個大姨又點忍心唔理佢呢??

唯有... 一齊留在婆婆家玩吧!!

二個年紀相約的小朋友一齊玩

尚算乖啦!!

開頭都肯各自各玩

但....

一見到大家都想玩的玩具就......

出事啦!!

搶、搶、搶

我地只好由得佢地

相信呢個係佢地必經階段

▌香港遊 ▌ 大埔火車博物館

2013.11.09 (Sat) ~ Day 485

由今日開始老公暫時放自己一個長假

放幾耐唔知?

因為要等佢搵到新工先知...

我的心情係... 開心 + 擔心

開心係... 佢會多左好多時間陪小霸王同我

擔心係... 唔知幾時先搵到工? 新工收入唔知又係點,....

唉... 做人老婆真係多野諗....

所以我決定暫時唔諗...

俾佢休息下先吧!!

**********************************************

星期六面試完後，

就返婆婆屋企。

突然諗到順路去完火車博物館先返去都得喎

都 N 年冇去



估唔到都仲咁多人去

環境好似冇乜點變

好似多左d 野咁

識行的小霸王

可以開始自己企定定影相

佢慢慢取代左我係御用Model的身份

而我就... 變左做阿4.... 

好彩仲有合照影下咋!!

唔係... 我會好down law

10 年前我因為老公仔而愛上被影

10 年後我因為小霸王而愛上影人

『攝影』真係好奇妙!

不過多得它

我地先可以把回憶一一記錄下來‧

PN 班 ~ ▍面試日 ▍ 雅麗斯俊宏軒‧天樂 ♡

2013.11.09 (Sat) ~ Day 485

休息左一個星期後，

今個星期六又再出擊!!

加油呀!! 小霸王

*********************************************

今日一個上午就要見兩間

幸好冇撞時間咋!

見完一間又再見一間... GOGO

因為~老公仔辭左職又未搵到野做

所以今日第一次陪小霸王出戰 ~~ 

8點出門到樓下一粥麵食個早餐後

就坐輕鐵去見第一間先

第一次咁早面試的小霸王

好似有點兒累... 又或是... 未瞓醒

*********************************************

面試幼稚園: 雅麗斯俊宏軒

面試時間: 9:10AM

準時到達幼稚園

先登記及提供住址証明

等左一陣就可IN

(因唔多人... ??是好定壞呢??)

三個小朋友+ 3個大人

再加3個MISS 入一間課室

入到去MISS 會先叫家長行去另一邊填一張問卷

而MISS 就會走去同小朋友玩下、傾下計、問下野咁

全程10 分鐘左右都係...好輕鬆咁

所以... 收生準則係??? 唔知... 囉!!

估唔到IN 得咁快... 但又唔想返屋企

所以就行路去... 銀座行下坐下

到11點再行去另一間

*********************************************

面試幼稚園:       天樂

面試時間:           11:30AM

唔知係時間問題定係其他原因

呢間都好多人

不過登記完都係等左十幾分鐘就IN

相信因為同一機構

面試方式同雅麗斯俊宏軒係一樣

IN 完呢兩間後

小霸王同我都可以暫時休息下

到12月先再出擊

不過我真係好希望"天樂" 可以收小霸王

唔係話呢間好好,

比較其他國際學校

呢間叫做"平靚正"架啦!!

要到12月先知結果

咁就唔諗住咁多

輕輕鬆鬆 + 開開心心玩埋個11月先吧!!

♡ 點解會揀呢個英文名? ♡

2013.11.07 (THU)

哈哈!! 今日同同事M小姐傾開計，
佢話佢改左肚中女兒的英文名為kuromi
(即係melody 的朋友仔)
我話唔錯呀!!
不過佢就同我講話佢講笑咋!!

小FAN 就係到諗

我自己的英文名 FANNY
來自家姐改的
仲要係因為小五/六時老師要求一定要改先改咋
曾經... 之後... 都有諗過改架
但朋友/同事已叫慣左就無謂改

到而家....呢個時代
已經變成一出世 / 未出世就由父母為你/妳改定
好似係必要咁!!

小FAN 當然都唔例外
早在未有小霸王時
又或者係計劃有小朋友時已經諗定

***************************************************************************

男仔 - KINGSLEY

原因:

因為林峰拍的『談情說案』中演的最年輕的天才物理學家 - KINGSLEY, Professor King 比我感覺好型，好勁咁!! 哈哈...

女仔 - MYOLIE

原因:
我本身都幾鍾意胡杏兒, 有日見到佢個英文名 - MYOLIE, 好特別, 少人用, 又係日文名 (I LOVE JAPAN), 而且我好鍾意"YI / YEE"呢個音... 所以....我都想中文名會有呢個音


***************************************************************************

小FAN 知道改得好求其架啦
因為其他媽媽係會查好晒有咩特別意思/意義先改
所以... 每當人地問我點解改呢個名? 有咩意思?

我就會答: 『冇意思, 只係鍾意個名』 ^_^


今日難得傾開呢個話題
就上網CHECK 下個名MEANING 先
『MYOLIE』全名真係Search 唔到點解
就算翻譯都係解"胡杏兒"囉!! 哈哈

Search 左好耐居然係呢個網 http://www.themeaningofnames.org/?n=Myolie&m=&d=&y=&go=Go 找到一個好特別的解釋不過每次都會唔同
有興趣可試下...

***************************************************************************

What does the name “Myolie” mean? A name is much more than just a name!

M  is for musical, your hidden talent!

Y  is for youthful, your eternal look.

O is for openness, it's refreshing!

L is for lively, your life is full of energy!

I  is for impressive, your list of qualities.

E is for elegant, born within you.

***************************************************************************

咁睇個英文名有好似好好咁喎

放心晒!! (自我安慰中... 哈哈!!)

♡ 在姨媽屋企的一天 ♡

2013.10.28 (MON)  ~ Day 473

由於 99 呢 2 日都唔方便湊小霸王

星期日我自己湊返, 冇問題!!

但星期一我唔想請假

所以... 就要辛苦.. 公公同婆婆囉!!

**************************************************

因為婆婆平日都要湊表姐仔同表弟

所以...

唯有返工前一齊帶埋小霸王出姨媽媽屋企

一早叫醒小霸王出發

你睇佢幾累, 辛苦晒!! ~

去到姨媽媽屋企

表弟已經醒左

見佢地都玩得好好

我就去返工....

(好彩我公司O係姨媽屋企附近咋...^_^)

一整天都不敢打電話問下小霸王的情況

怕佢聽到我把聲要搵我

但從姨媽口中知道佢一靜下來時就會搵我

個樣仲要好唔開心咁!!

(心痛死我啦...!~)

幸好表姐仔放學後陪佢玩，陪佢瞓

小霸王先開心返!!

*******************************************

放工後,

9秒9 跑去姨媽媽屋企

真係好掛住佢... 呵呵!!

未食晚餐前

我地玩下先

著下HALLOWEEN D 衫

大小都好得意!

******************************************

今日係公公舊曆生日

所以我地去左一品雞煲食

有包包o係手的小霸王

梗係肯乖乖坐定定啦!!

Happy Birthday to Lovely 公公

祝你 永遠都開開心心，健健康康!!

公公話... 有呢3個外孫就已足夠

食飽飽後

我同小霸王就坐西鐵返屋企囉

2 晚冇見DADDY

所以小霸王佢一見到DADDY 表現得十分開心!!