五歲♥ 我的生日♥

登~燈~登~燈~  又係到左我家小霸王公主生日月啦~ 

今年.... 佢都係不停地提我佢幾時生日、要乜蛋糕、要乜生日禮物.....

(知啦~ 媽咪爸B 又點會唔記得你生日呢?)

小霸王公主の生日月~ 真係可以令你忙足幾星期

學校生日會♥~ 舊曆生日♥~ 迷你生日會♥~ 新曆生日♥~ 

呢四個慶祝活動好似一個都不能小咁，

今年仲多埋一個小旅行 (咁岩撞正姐)

真係... 忙完之後，身心要休息兩個星期先回復正常

不過佢開心就乜都值得的

♥學校生日會♥

♥舊曆生日♥

♥迷你生日會♥

今年小霸王公主要以Ariel做主題，所以特別搵人訂製左個Ariel生日蛋糕俾佢

佢收到真係好開心!! 好鍾意!! 

唔好話佢，我都好鍾意個蛋糕，做得靚之餘仲好好味，店主仲好好人!

連小霸王公主都已經下定單話明年要XXX蛋糕

(真心推介俾大家 Js Cakery) 

冇錯呀~ 主題係Ariel，生日禮物梗係要配返啦!~

多謝晒愛錫小霸王公主的姨媽姨丈、細姨哥哥、Sandy 姨姨

送上一系列紅魔女 (Ariel 小公主)，一對手都抱唔晒啦~♥

亦都多謝家人們、朋友們的利是同禮物

♥真心感謝你們愛錫我家的小霸王公主♥

Happy Birthday to our lovely little Princess Myolie

爸B媽咪 祝願你  每天都開開心心、幸福快樂、身體健康!

至於 ♥ 新曆生日♥~ 同樣留待下一篇吧!!

回顧:

四歲生日

三歲生日

二歲生日

一歲生日

K2 班 ~ 小總結

叮一聲! 小霸王 K2學生生涯就完結啦~

九月就K3.... 要準備迎接新挑戰了! 

7,8月暫時繼續玩玩玩吧! 

♥回顧下小霸王K2呢一年♥

K2 上學期  -- 手工/勞作 /畫作

K2 下學期  -- 手工/勞作 /畫作

K2 上下學期  - 麵粉花興趣班的完成品  

估唔到小霸王對麵粉花的興趣唔係三分鐘熱度

仲越來越愛....  8個作品... 真係要諗諗下年點放好?

K2 上/ 下學期  -  得到的小獎盃 (共三個) 

總結:

係K2 呢一年，

小霸王明顯地更有主見、變得明白事理左，

放膽左、有自信左、自理方面好左，

學習上暫時都仲好自律，聽話! 

希望佢可以繼續好好享受幼稚園的美好時光!

K2 班 ~ 第25屆畢業暨頒獎典禮

話咁快七月都差不多完啦! 

小霸王足足放左接近一個月的暑假，真係好快呀~ 

而我終於有時間更新下個Blog  太好了

踏入七月的第一個上學天  就係K3的畢業暨頒獎典禮

好開心 今年我地都繼續有份出席

有左去年的經驗  今年我一早預約定御用攝影師(爸B)一齊出席

其實除左為影相外  我都想爸B一齊分享下囡囡的喜悅

今年小霸王同樣係得到『學習表現卓越獎』

第二年同囡囡一齊上台攞獎，

估唔到媽媽俾佢更加開心、更滿足、感觸

謝謝你呢年的努力用心學習，亦希望你能夠繼續加油!

(明年我地又又...一齊再參與畢業典禮，哈哈~ ♥)

今年攞完獎，我地就離場啦!! 

(因第二天要去旅行，要執拾行李，所以不久留了)

明年吧! ~ 明年必定留到最後吧~

為左獎勵小霸王今年的努力，就送上佢想要好耐的"森林家族"

小朋友喜歡玩具多過獎項囉~ 哈哈

回顧: 

K1 班 ~ 第24屆畢業暨頒獎典禮

DIY ♥ Sunscreen Cream ♥

今年比去年早左一個月多下水禮

不過就選擇去泳池下吓水禮就算，因唔想山長水遠去沙灘

近近地去下火星個泳池  小朋友都一樣咁開心

小朋友玩起水上黎  真係可以唔理個太陽架囉!

所以除左幫自己做好防曬外  小女孩都要

平時我會係SHOP 買出名的防曬  但今次我冇啦!

我選擇 DIY  真係方便又易整

不論平時出街定係去游山玩水  大人或小朋友都用得

對於我呢D .....  唔鍾意煩的人... 真係堅正!

材料: 

椰子油、蜂蠟 、氧化鋅、精油

精油推介:

Lavender 、Carrot Seed 、Frankincense、Myrrh

做法: 

 1. 把椰子油、蜂蠟 放進燒杯

2. 將燒杯以隔水加熱的方法一邊加熱一邊打攪拌至溶化

3. 續少倒入氧化鋅拌勻，再加入精油

4. 最後倒入容器，就可使用。

平時返工我會薄搽，去同陽光玩遊戲就出門/同下水前搽

SO far 用係我同小霸王身上/面上都冇問題

~ I ♥ DIY ~

♥  100% Natural ♥  100% Handmade ♥ 

爵士舞 Test 1

5月尾是舞蹈學院的開放日 (一年一次)

今次終於有機會睇到小霸王上堂跳舞o個樣

都尚算不錯   認真的樣子最可愛 (哈哈~)

學左兩年多芭蕾+爵士舞

發現佢真係比較鍾意爵士舞多d

所以決定升班時揀返爵士舞

Bye Bye 芭蕾舞!!

由粉紅小公主搖身一變為紫色大公主，同樣好可愛!!

(唔可以再玩玩下啦!!~)

加油呀! 繼續愛跳舞!

回顧:

幼兒芭蕾舞爵士舞班 Level 3

幼兒芭蕾舞爵士舞班 Level 2

學前芭蕾爵士課程 Level 1

Happy Mother's Day

係... 我知... Father's Day 都到..

但唔寫低我又唔開心呀  開心事要多分享  哈哈!~

今年母親節我... 冇花收、冇蛋糕

但係... 我冇唔開心，因我收到.... 更特別、更喜歡....

原來有人親手為你而做的禮物   係來得珍貴!

既是一張咭  亦是一束花

小霸王一一為我解釋佢點解咁整?

紫色畫紙  -- 因我鍾意紫色

粉紅畫紙  -- 因佢鍾意粉紅

畫上布甸狗  -- 因係我最鍾意的

藉著呢份禮物，令我知道小霸王係好了解我，好留意我! 

我在她心中... 有個小位置

(好感動!!)

謝謝我的甜心寶貝! 

我真的很喜歡這份無價的禮物

回顧: 

2016 Mother's Day

2015 Mother's Day

2014 Mother's Day

2013 Mother's Day

Jazz 表演 @紅磡置富都會

因為平日要返學，所以很小機會參與跳舞表演。

呢次難得同學仔一齊玩再加上係復活節期間綵排，就再玩下啦!!

今次係表演爵士舞，所以舞蹈呀~ 化妝呀~ 打扮呀~ 都唔同

感覺活潑D、開心D... 哈哈~

一年半後再參與表演，

小霸王比上次淡定左好多，仲多左唔小自信心

不過唔知點解佢上台前同上台後仲係兩個樣，

上台前係都要扭下計咁，小女孩心思真係有D 唔明

BTW，媽咪心態 Good show就唔理你! 哈哈~ 

希望你能夠係不同的表演中，建立更大的自信心!! 

回顧: 

First Ballet Performance