下雨天

今日天氣真係勁唔好呀... 下雨+潮濕，攪到成個人勁冇MOOD咁!! 原本親子團BBQ之旅都要被迫取消，唉.... 所以我地改咗去... 科學園

↑環境真係好清淨... 好大..

↑YEAH... 四朵金花.. HAHA..

↑婆婆+孫女...

其實我地O係科學園逗留咗唔係好耐，因為間唔中都會落雨。 唯有轉地方... 去沙田市廣場行街，行下行下就行咗幾個鐘啦!! 我... 冇收穫.. .

諗咗好耐.. 要去邊到食晚餐.. 最終CHOOSE 咗去大尾督食THAI ...

↑ 忠記... D 野都幾好味... 唔係太辣.. 價錢都OK 啦...

↑因為有熟人可以有免費甜品... 好味!!

我真係覺得自從小豆兒出咗世之後... 我D時間真係唔多夠用呀... 星期六同日.. 有時真係會FULL BOOKING俾晒小豆兒!! (希望好姊妹佢地唔好介意吧!!)

大埔天后誕

尋日難得係一年一度的天后誕，天氣錯(我指上午)，所以我同媽咪一早食咗早餐後，就同小豆兒一齊去咗大埔中心睇巡遊。

好彩唔係好多人咋... 比起元朗... 就只好用勁少人黎形容

可能係由細到大... 所以特別鍾意睇舞龍、舞獅... yeah ..

好可愛的小和尚...

第一次見到 好大的獅子呀....

見到大埔第一次有呢d咁大型巡遊... 雖然冇元朗咁大型，但係都唔錯架啦.... 如果明年有假的話... 我希望可以去元朗睇番!!

紅磚屋

今日無所事事，諗咗好耐都諗唔到去邊到，又有理由唔出街架...(男朋友仔放假ma..)

後來諗咗好耐... 就決定去下... 錦田的紅磚屋

↑哇... d 豆腐真係好好味呀!!

開頭諗住會有好多行，點知全部都係賣古董傢俬...有小小冇mood 架!!

因為落開元朗，所以就約咗未來奶奶、老爺一齊食dinner，哈... 我仲特別要求食龍蝦... sorry呀... 男朋友仔的荷包....

Ocean Park

自從小豆兒出世後，我地屋企就開始成立咗個『小豆兒親子團』。一到放假，我地就會諗吓去邊到。

難得放長假，家姐就攪咗個ocean park 之旅。我自己就真係年年都會去，但小豆兒叫到... 大姨又點會唔去呢???

↑↓上次去就係功夫熊貓，今次就轉咗『荒失失奇兵』

↑ 小豆兒呀... 你咁得人歡心... 大姨又點會唔錫到你燶呢???

↑未來姨丈都係因為小豆兒先俾面出席咋!!! 佢呀... 而家掛住同小豆兒玩唔理我啦!! 衰佬!!!

↑真係好耐未試過三姊妹一齊玩game啦... 真係好鬼攪笑... 估唔到生完bb的家姐會細膽咗好多，反而細妹就大膽咗wor.... .. 我諗遲d 我都會變細膽.. 哈哈

今次去ocean park 感覺真係好唔同，一家人能夠一齊嘻嘻哈哈其實真係一件勁開心的事，希望九月時我同未來姨丈可以join 到日本親子團啦!!

▌電影推介 ▌TWILIGHT

之前真係好後悔冇入戲睇呢套戲，唯有係PPS 睇番囉!! 點知?? 哇... 真係勁正呀!! 攪到自己勁勁勁... 後悔TIM... 哈哈..

其實我一向都唔會睇恐怖/吸血鬼片，呢套就係例外，唯一一套我唔怕自己一個人睇O既吸血鬼片，全靠男主角囉!! 你話啦... 邊有咁靚仔、可愛、善良O既吸血鬼架?? 唔迷死人就假啦!! 係咪??

好彩終於等到DVD 出.... 唔洗咁辛苦，可以任睇啦...

其實都諗咗一段時間買定係唔買小說睇.... 最後都係忍唔住... (冇用... 不過我今次好醒.. 唔買英文版，因為上次『哈利波特』第一集時，扮勁買咗英文版睇，點知... 睇咗十幾頁就放棄咗囉... 到而家都冇睇... WASTE MONEY.....大出血後的我，又要慳D洗囉!!)

上網SEARCH 到呢幾張好靚的WALLPAPER... 真係好鍾意呀!!

前陰貼

前幾日睇台灣綜藝節目"康熙來了"見到個artist 介紹咗樣台灣新o野 - 前陰貼 (嗱... 我唔知興咗幾耐，但我未見過就當住係新野先啦.. 哈哈!! )，話可以貼住d 前額d頭髮而又唔會定型，你知.. 如果用夾夾完之後一定會定晒型，出街又要洗過頭，勁麻煩!!

今日放工諗住睇下屋企附近o個間賣台灣野的shop 有冇得賣，呵... 咁都俾我搵到wor.. 不過就一定比台灣貴囉!! 唉... 算啦... 鬼叫暫時冇人去台灣咩，唯有豪俾佢啦!!

返到屋企就梗係即刻try 下，效果滿意.. 但好攪笑咁囉!!