▌日の料理 ▌韓式拌飯 (Bibimbap)

一向唔多鍾意食中菜的我   難得復活假期有下廚的機會

梗係唔放過試整 D 一直好想食  但冇機會整的美食啦

(因為我家長老必食中菜的，所以機會難求)

呢晚除左整左芒果糯米飯作甜品之外

主菜係 『韓式拌飯 』

睇親韓劇見到主角食  自己會不期然流口水囉

真係好好好..... 好想食!  唔諗啦! ~ 整左先算~

韓國人整拌飯，多數係用D 舊飯呀~ 泡菜呀~ 舊餸呀~ 

但.... 我乜都冇... 唯有... 全部用新鮮，哈哈~♥

材料: (份量隨個人口味)

1. 白飯

2. 冬菇、甘荀   (切絲)

3. 芽菜 、菠菜

4. 牛肉、豬肉  (加入豉油、糖、麻油 醃下)

5. 雞蛋

拌飯醬:

1. 韓式辣醬  1-2湯匙 

2. 豉油、麻油、糖  

** 拌飯醬調配隨個人口味，慢慢加入  **

做法: 

STEP 1-3:  將所有材料炒熟，待用

STEP 4:     將蛋煎到半生熟 (太陽蛋)

STEP 5:     將所有材料放上白飯面，再淋上拌飯醬，攪勻後就食得。

三人份的Bibimbap，終於完成!

♥ 呵呵~ 大滿足呀! ♥

Welcome to S.K.Y. Lovely Family

▌日の料理 ▌ 芒果糯米飯

材料: (約 3-4人份量)

1. 糯米  1.5杯 (量米杯)

2. 芒果肉  2個

3. 椰漿 1盒

4. 糖  適量 

STEP 1:  先將糯米洗淨，再用水浸泡 4-6 小時後，倒走所有水份。

STEP 2 & 3:  將糯米倒入在玻璃盤碟內，隔水蒸 45 分鐘左右 (糯米熟透)

STEP 4:  將椰漿分為二份，第一份((A) 加入2湯匙糖撈勻 ，第二份(B) 加入1湯匙糖撈勻。

STEP 5:  糯米熟透後，趁熱倒入(A) 與飯一起撈勻，放在室溫

STEP 6:  芒果切片，加入飯旁。待飯冇咁熱後，根據個人口味加入(B)就食得架啦!!!

** 怕糖唔溶，可以煮一煮 **

** 最好係暖食，放得太耐/放左入雪櫃會硬，冇咁好食 **

要完成呢個甜品真係一D都唔複雜

咁當然味道好唔好就真係好難講

鍾意食甜食芒果的，一定喜歡

唔鍾意的食..... 就.....

就黎係芒果當造期，相信一定好多靚芒果

大家不妨試下啦!! ^^

Welcome to S.K.Y. Lovely Family

K1 班 ~ 親子同樂日+大滿足日

期待左兩個多月的親子同樂日終於都到啦!!

又可以同小霸王親子下.... 真開心♥ 

好興幸今次活動舉行地點係體育館 (上星期又凍又有雨)

全部室內遊戲，而且都只係玩三小時左右

所以唔洗怕凍親、唔洗怕運動量會爆燈

對比上一年PN時的運動會

今年的小霸王明顯長大左，玩遊戲呀~ 跳舞呀~  唱歌呀~ 

都投入左好多同懂得享受過程

還記得去年佢一與我分開就爆喊

今年雖然仲有喊，但係係玩到一半先開始扭計喊

都叫做有進步架啦! ~ (繼續努力吧!~♥)

好欣賞呢間學校的校長對小朋友的體貼

『小朋友有參與就會得到獎杯，

不論名次係咩? 獎杯大與小? 

小朋友心中最重要係佢都有獎

人人開心，皆大歡喜』

事實真係見到現場所有小朋友都玩得好開心

最開心的時候就係抱住個獎杯

而多謝老師的安排，(取代冇黎玩的同學仔)

我家小霸王可以參與兩項遊戲，得到兩個獎杯仔

對我黎講名次真係唔重要，

♥最重要係小霸王能夠投入同享受比賽♥

玩左一個早上，真係有D 累架!

食個午餐返屋企休息一陣，問小霸王想去邊? 

佢話: 去公園玩滑梯

叮... 咁就不如去YOHO MALL 啦!

點知.... 個公園居然拆左???? O NO... 

佢好失望囉! 好彩..... 行到又新街有個小小公園咋!

(即刻開心返晒 ♥)

嘻嘻~ 仲俾我搵到一直好想去試食的手燒拓餅

我地揀左章魚味! 一大片 $32

哇! 估唔到真係好好好薄+脆囉! 大力小小都會脆晒呀

味道唔太濃、好香章魚味、食到有章魚位置會有小小韌

食完小食後，見天色唔多好

我地就轉返室內....... 冒險XX啦!

平日+5:30後的冒記唔多人，所以就俾佢玩下波波池

$80任玩 (包一個小朋友及大人)

足足俾佢放左一個鐘電，真係佢唔累我都累呀!

跟住去左元氣食晚餐，食完爸B話帶我地去食埋甜品 ♥

事緣係有人... 

前一晚同朋友去左食甜品冇預佢兩個情人

呢晚咪要補償返囉!! 哈哈~!

唔好笑.... 我同小霸王都係第一次食心太軟咋!~

真係架..... 心太軟一直俾我的感覺係好甜好漏

所以.... 我完全唔敢食

呢次去食，係因為爸B同小霸王咋!

味道~?? 哈哈~ 睇下第二行的相就知道啦!

第一張係....佢已經好眼瞓，但又好想食 (等食中)

第二張係...  食到眼仔都發晒光啦! 

一路食一路講..... 

『哇! D 朱古力咁好味o既!』

說真的，個人覺得真係不錯，唔太漏唔太甜

我地叫的係朱古力情人，有 2個 L Size的心太軟

好似都係$9x，3個人食剛剛好

呢一日，無論係玩呀~ 食呀~

都大滿足呀!~ ♥幸せだね ♥ 

食店資料:

Sugar Mama 甜心良品:    元朗康樂路8號康樂廣場地下9號舖

Chichi House 滋の屋:      元朗又新街38號恆富大廈地下10A號舖

Welcome to S.K.Y. Lovely Family

笑笑小語錄 @ 43 個月

踏入3歲半後，我眼前的小妹釘俾我的感覺係成熟左好多
開始更堅持自己的主見、貪靚左、怕醜左、多愁善變左......
真係唔多想佢咁早熟.... 做回天真的小妹釘，可以嗎??

※【甜心事例  (一)】※
每朝我最愛的時間就係..... 幫佢扮靚靚返學，小霸王從小就唔多肯剪頭髮 (好彩頭髮長得唔多同慢)，返學時我會盡量幫佢梳起晒，唔想佢頭髮亂亂咁返學。 呢日整好頭，見佢個樣好得意就.....

我:  BB，俾媽咪睇下靚唔先?
小:  (望一望我)
我:  BB，你好得意，擺個POSE俾我睇下
小:  (古靈精怪樣)
我:  BB，擺個七分面黎睇下
小:  (諗一諗，做左個 7字手勢再放係面旁)

♥ 哈哈!  真係好標準的七分面，笑四我啦!! ♥

※【攪笑事例  (一)】

話說小霸王呢期都肯油下顏色，但就要我陪佢一齊油，叫我油佢o個d 公仔真係有點兒悶囉! 多得sandy姨姨割愛，讓我擁有第一本secret garden & cafe (又真係幾好油)... 點知..有晚...

小:  媽咪，我唔想油o個d (佢自己的圖畫簿)

我:  下，唔得架，媽咪油，你都要油架

小:  媽咪，我想油secret garden呀

我:  下，好難油架喎!

小:  本secret garden 係我架!

我:  唔係喎! sandy姨姨俾我架!

小:  secret garden 係我，cafe o個本先係你架!

我:  係咩?

小:  係呀! 你油cafe啦!

♥ 真係俾你激四呀! 你都只係鍾意 secret garden 其中一頁的魚魚姐 ♥ 

※【攪笑事例  (二)】

話說呢日要同小霸王去芭蕾總校考mock，由屋企去奧運站最快當然係坐西鐵啦! 不過呢個小妹釘..就由出門口講到落車.....(精力旺盛)

小:  媽咪，我地去邊到呀?

我:  我地去奧運站

小:  坐西鐵?

我:  係呀! 我地係南昌轉車去奧運站

小:  南昌轉車呀! 要坐幾多個站呀?

我:  你自己試下數下

小:  朗屏、元朗、錦上路、荃灣西、美孚、南昌， 六個站就到呀?

我:  o岩啦!  咁你到南昌叫我落車喎!

小:  好呀! 

** 佢每停一個站就提我仲有幾多站落車，到南昌時就拖住我手叫我落車，哈哈! 超窩心!~  點知好小坐港鐵的我.... 以為去奧運係坐東涌線..... 好彩.... 未上車就發現錯左...

我:  BB，爸B教過我地東涌線行邊到架?

小:  落左車直行最遠囉!! 行去 3 號線，唔好行錯!

我:  E...唔係喎!! 奧運站唔係往東涌架喎! 我地行錯左，我地應該往香港

小:  吓!! 往香港?  咁要行去 2 號線架喎!~

我:  係呀! 媽咪蠢左

小:  哈哈哈~ 咁我地坐幾多個站先到奧運站?

我:  一個咋!!

小:  奧運站英文係咩呀?

我:  Olympic!  BB，你要幫手記住點去奧運站呀! 媽咪冇乜記性

小:  哦!

♥ 多得我家呢個每事問的小妹釘咋，唔係大檬的我真係..... 好易迷路! 唉! 未生前認路都唔差的我，而家居然....... 點算呀! ♥

近排小霸王的口頭蟬越來越多，有D仲好攪笑... 

♥ 唔得咁架! ♥   (扭計、發脾氣時聽得最多)

♥ 我要媽咪呀! ♥   (扭計、發脾氣時聽得最多)

♥ 媽咪抱抱 ♥   (扭計、發脾氣時聽得最多)

♥ 我最鍾意媽咪架啦! ♥   (每朝早起身佢就會冧下你)

♥ 媽咪，你今日洗唔洗返工呀? ♥   (每朝早起身佢就會冧下你)

♥ 我做完功課啦! 我要去返工啦! ♥   (每晚都會)

♥ 媽咪你做得好好呀! 俾張貼紙你 ♥   (間中陪佢玩玩具時)

♥ XX你做得好好呀! 我地一齊俾D 掌聲佢 ♥   (間中陪佢玩玩具時)

♥ 要分享架! ♥   (見到佢想食的食物)

♥ 咁咪 O MY GOD 囉! ♥   (呢排好多時都聽到... 走左巴士呀? 漏左野呀?) 

♥ It's so CRAZY ♥   (見到d 奇怪野)

♥ It's so cutie ♥  (見到d得意野)

♥ I think so too ♥   (我講時佢就跟住講)

♥ My favourite ♥   (見到粉紅色)

Welcome to S.K.Y. Lovely Family

忙碌的二月+ 農曆新年

點樣形容我們的二月份日子好呢?

Busy? Crazy? Happy? Unhappy? Noisy? Funny?

唉.... 每日的心情就好似坐o係過山車咁囉! (哈哈~)

人生就係咁，今日唔知明日事，所以真係要"及時行樂"呀!

本身諗住二月都過左，唔再寫返

但諗諗下.... 又覺得有點可惜，咁就不如一篇過吧! 

1, 2, 3 開始.... Our Monkey February

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

踏入 Monkey Year 第一天 (即係年初一) 

恭喜發財  年年有餘

大吉大利  身體健康

龍馬精神  利是逗來

呢六句就係今年小霸王見人都會講的恭賀語

佢真係一字不漏囉，仲為佢帶來逗極都有的利是

♥ 都叫做好乖女架! ♥

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

Monkey Year 第二天 (即係年初二) 

每年最熱鬧應該係呢日吧，所以親戚都黎晒婆婆屋企

食呀!~ 玩呀!~ 嘈嘈閉閉、開開心心

而今年小霸王終於都明白"魚蝦蟹"的樂趣啦! 

見到佢好小心咁下注，真係好好笑 ♥

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

Monkey Year 第四天 (即係年初四) 

好耐未試過一家人出外走走啦! 

先去中環紫色牛牛欣賞小話劇- Dinosaur Zoo，再上山頂走走，

夜晚仲食埋豐富的日式放題，簡直係大滿足!

從未入過戲院的小霸王，估唔到佢肯乖乖地睇晒45分鐘的 Dinosaur Zoo 

我都好意外，不過 Dinosaur Zoo 又真係一個不錯的小話劇

因為小朋友可以近距離接觸恐龍(佢地以為係真)，亦學會很多關於恐龍的知識。 

最好笑就係.... 見到恐龍.... 要扮樹 (咁佢地睇你唔到就唔會食你)

山頂去過好多次，但山頂公園就真係第一次去

一大片草地俾小朋友任跑任跳，小朋友真係可以放晒電。

而且仲要係一個既乾淨又唔多人的地方!  正! ♥

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

Monkey Year 第六天 (即係年初六) 

原本主要係去"東華嘉年華"的，但去到.... 

天氣勁曬、勁熱、小霸王又樣樣都話唔玩

所以就改左去觀塘海濱公園放電

估唔到.... 小霸王會鍾意呢到多過嘉年華囉!!

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

Monkey Year 第十四天  @青衣公園

呢日天氣涼左，仲要都幾大風

去到.... 諗住俾佢睇下魚仔.... 點知... 凍到佢地都唔游上面

小霸王都好失望，好彩仲有遊樂場俾佢玩下咋

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

Monkey Year 第十五天  (正月十五)

最佳節目.... 除左食湯圓，就梗係拆利是吧!

第一年俾佢親手拆，尚算幫到手啦!

點解咁講.... 因為佢個人太心急，拆爛左二張紙幣

所以拆到一半就唔洗佢再幫

(我怕 D 銀紙....爛晒!)

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

Monkey Year 第廿一天  (正月廿一)

圍村團拜 + 農場遊

合晒小霸王心，佢好鍾意親親大自然

首次自己拔蘿蔔、採摘新鮮檸檬，對佢黎講可能好玩過冒X樂園

希望所有唔開心呀~ 煩惱呀~ 忙碌的事情/生活

跟隨住二月一齊過去吧!!

Monkey Year 剩下來的月份，我們都要活得更開心、更幸福!♥

Welcome to S.K.Y. Lovely Family