但開始... 有小小後悔tim，
唔得... 要繼續返先... (冇時間咪唯有係公司冇野做時update 下囉!!)
其實阿囡二個月大左右時，
佢都間唔中發出d "媽"音，
我當然唔係好肯定係咪叫我啦，
但都已經好好... 開心。
到近日，
阿囡又開始發多左其他音，
例如: 『喂』、『呀』、『奶』等...
好想佢叫我，
你越想佢就越唔叫...
點知... 有一晚幫阿囡換片瞓覺時，
佢好大聲咁... 叫"媽"
我o個刻係.. 定左一定....
問佢.. 你係咪叫我呀??
佢眼定定咁望住我笑，
連老公仔都話... 佢叫你, 讀音好正...
哇... 開心到爆，
摟住阿囡， 不停讚佢叻女...
好感動，真係忍唔住眼濕濕...
因為我真係等左好耐呀!!
雖然阿媽話，小朋友叫邊個先，
o個個就"辛苦命"。
唔緊要，辛苦d 又如何....
(老公仔... 都開始呷醋... 哈哈)
自o個晚起，阿囡...
開始叫我多左，
原來做阿媽的....就係可以咁易滿足架!!
沒有留言:
張貼留言