K2 班 ~ ♥ 開學了♥

開左學都有兩星期多了，而家先黎寫返真係有點懶 (我指我)

隨住小霸王升上K2   要陪佢學習的時間多左

自由時間相對上又再小D ..... (冇計!)

由K1生轉為 K2生    開學前要準備的真係小好多

可以話係冇乜野要準備   哈哈~ 

除左.....

開學日必要的 "100分早餐"

(我個人係比較直接/現實.... 希望小霸王係K2都能夠樣樣取得100分)

諗下好..... ^-^

校服仲著到唔洗再買

但波鞋仔同襪仔... 要買

估唔到一開學就已經體驗到 K1同K2的分別

平日功課:  1 --> 2/3

放假功課:  2 --> 3/4

功課量暫時唔算多，但K2正式要寫字

所以改為放學後嫲嫲睇住佢做功課(主要係寫字)，我放工返到去就核對!!

唉.... 要小朋友乖乖寫字真係唔係件易事

大家一齊加油吧!!

So far 除左功課上佢唔係咁適應之外，其他暫時都冇乜野

始終同一個班主任、同一班同學，係真係好d o既

(♥ 感情會越來越深厚!! ♥)

題外話 / 小分享

小霸王的班主任好錫佢架!! (佢自己話俾我知)

唔知係咪咁, 所以班主任好鍾意同佢講野

開學日那天.... 小霸王同我分享一件小趣事

我:  BB, 今日班主任有冇同你講乜?

小:  有呀!

我:  咁講乜呀?

小:  佢叫我 XX 豬豬早晨 (XX = 中文名)

我:  跟住呢?

小:  我答佢我唔係豬豬囉~ 爺爺先係豬豬 (嫲嫲話佢知爺爺係"懶瞓豬")

我:  跟住呢?

小:  佢都仲叫我XX 豬豬囉

我:  跟住呢?

小:  我發脾氣囉~ 喊囉

我:  傻豬，老師同你講下笑咋! 唔洗喊架! 你可以同佢講，唔好叫我豬豬叫其他得唔得?

小:  係囉!! 叫牛牛又得，叫魚魚都得

我:  下次佢再叫你豬豬時, 你同老師講

小:  好!

*** ♥ 小朋友真係好可愛!! ♥ ***

Welcome to S.K.Y. Lovely Family

K1 班 ~ ♥ 暑假完結了♥

整整兩個月的暑假隨著九月一日的來臨正式完結

我的心情  真係有點兒矛盾架

咁當然我係好想佢返學~ (日日係屋企食、玩、瞓... 真係悶架)

 但係.... 返學就.... 又出現更大煩惱... 功課

真係唔敢諗住.... 希望..... 佢乖啦!! (哈哈~)

先唔好提 K2 的大煩惱住，諗返D 開心事

兩個月的暑假中，我地冇出國旅行而選擇留港消費

(如果早知7月頭已開始放，我一定去旅行啦!!)

除左去晒兩個主題樂園外，都有周圍去飲下、食下、玩下O既

小霸王生日 ♥ 去迪迪尼

爸B媽咪生日 ♥ 去海洋公園

2016 ♥ 下水禮 ♥

 ♥ 2016 美食博覽 @ 灣仔會展  ♥

不停試食、試飲，簡直食唔停口、買唔停手!~  (唔係我... 哈哈!)

♥「Sanrio Characters 塗氣競技場」@ 屯門市廣場 ♥ 

♥  B.Duck @ V City ♥ 

♥ BBQ @ 大尾篤麥師傅 ♥

有得食、有得玩，正!!

♥ 玩玩玩@ 天水圍公園 ♥ 

呢個暑假，我任由小霸王自己決定上咩興趣班

最後，佢揀左返學校上英語班+麵粉花班

校外的... 只有學緊的芭蕾舞!

本來叫佢去試下學游水? 彈琴? 語言? 或其他

點知? 一一俾佢拒絕晒! 

原因?

"我唔想學"

"冇人陪... 我都係唔學"

"唔係學校學，我唔要學"

"媽咪你教咪得囉"

唉....呢個古靈精怪的小女孩，有時真係令我又愛又恨架!

K2 希望佢能夠放膽D去嘗試接受更多新挑戰/事物/環境

繼續好好享受幼稚園的學習生涯

Fighting Fighting

Welcome to S.K.Y. Lovely Family

2016 ♥ 生日@Ocean Park ♥

又到左不得不提自己， 『你又大一歲了』的時候

今年終於都收到小霸王的小心意

佢叫嫲嫲帶佢去買蛋糕俾我地，♥ 真係好窩心下♥

(記住年年都要記得我地的生日呀!)

♥Thanks our sweet heart ♥

小霸王生日 ♥ 去迪迪尼

爸B媽咪生日 ♥ 去海洋公園

一到暑假就可以去晒兩個主題樂園都不錯!!

暑假期間，平日的海洋公園唔算太多人

咁當然都會有好多自由人，但相對上小好多，唔會有太迫的感覺

入園後，第一個要去的... 一定係睇魚

開心到佢呢.... 

跟住順路就行埋過隔離睇熊貓

再黎就係.... 佢另一期待... 玩水

第一次玩下水禮，小霸王開頭都唔係好敢玩

熱身後，玩到夠先肯走

對小朋友黎講，下水禮真係幾好玩

大約玩左一小時，就換衫去睇小金魚

點知... 睇完小金魚後...落勁大雨 (橫風橫雨)

天文台仲掛埋"黃雨+雷暴警告"... 所有遊戲設施停晒... CRAZY

我地就坐海洋列車過另一面食野

今次揀左試下灣景餐廳，唔.... 失望，價錢唔平，但完全冇服務

自助式... 下次寧願去冰極餐廳 

食飽後雨都停得七七八八，我地就可以周圍行下玩下

同一個地點、同一個攤位遊戲、同一個獎 (中左3 個細獎)

今年又帶多隻公仔回家，勁!! 

取消左黃雨+雷暴警告，遊戲設施開返

我地終於可以玩下摩天輪啦!! 

.

睇埋鯊魚館、水母館，我地又返番另一邊

小霸王話要坐纜車  見天氣ok 唔多人... 順佢意

兒童王國... gogogo   

又係小朋友放電時間，我可以休息下

見太陽差不多開始落山，問小霸王想玩咩?

佢居然要玩水都唔玩其他野，所以又黎多轉下水禮 

早上唔肯戴眼鏡冇玩泡泡

估唔到.... 呢次佢終於肯豉起勇氣戴，仲玩得勁開心

玩到夠喉，身心疲累

我地先返屋企，大滿足的一天!

回顧:

2014 ♥Ocean Park♥

2015 ♥Ocean Park♥

Welcome to S.K.Y. Lovely Family

笑笑小語錄 @ 47 & 48 個月

※【攪笑事例  (一)】※
自小小霸王係戒片呀~ 去大小便呀~ 呢方面都不錯! 佢係未試過賴尿 (我指瞓覺時)，點知.... 踏入四歲第一日早上就.... 俾左個surprise 我!

小:  媽咪
我:  咩事?
小:  媽咪，你快d 攞條毛巾入黎 (佢明明仲係房瞓緊? 咩事?)
我:  哦! (我以為佢飲完奶抺嘴? 抺汗?.... 咁我咪攞條沙巾就入房)

我:  仲咩事?
小:  媽咪你睇下? (佢坐左係我瞓個位, 再用手指向佢瞓的位置)
我:  哦... 你賴尿?
小:  (唔出聲... 低頭唔望我)
我:  算啦! 跟媽咪出黎換左褲仔先

♥  第一次賴尿... 見到佢唔好意思個樣真係好好笑!  (你的第一次要好好記下來) ♥

※【攪笑事例  (二)】※
天真的我諗住買副UNO教識小霸王陪我玩，點知.... 教識左就出事....

小:  媽咪，贏左可以錫啖爸B，輸左就唔可以
我:  (心諗... 你呢位小三，又想黎搶我老公? 哈哈~)
小:  知唔知道? 
我:  OK!

UNO 大戰結果係.... 我...慘敗! 十次.... 只贏得.... 一二次... 

小:  我贏左! 可以錫爸B，你冇得錫
小:  我又贏啦!! YEAH!
小:  媽咪，你輸左
小:  哈哈~ 媽咪，你又輸呀?
小:  I'm Winner! Mummy, you're loser!

♥  估唔到... 我會輸得咁慘... 諗住只係一晚運氣差，點知? 差到.... 晚晚都係咁! UNO Loser 非我莫屬  ♥

Welcome to S.K.Y. Lovely Family

2016 ♥ 下水禮 ♥

夏日炎炎  必做的.... 一定係玩水

上年五月就已經下左水禮

今年.... 完全唔想下囉!!  太陽伯伯實在太勁啦!

直至....  七月最後的一個週日

姨媽提議到愉景灣   小霸王勁開心囉

唉.... GOGOGO

估唔到週日的愉景灣 居然唔多人

可以唔洗迫住玩  不過唔知係打風前定係本身係咁呢?

愉景灣 D 海水係勁唔乾淨囉

玩左一陣水，大人小朋友都冇再落水

唔落水都有其他野玩下

可以玩迷宮啦~ 亦都可以玩下沙

大約乾曬左二個多小時

我地就去沖身走人

我地轉左去商場周圍行下

大人坐下休息，小朋友..... 做下風水師先, 攞住個羅盤周圍睇

哈哈~ 係"小精靈訓練員"

見到佢三個周圍搵真係好好笑

入夜後, 我地BOOK 左 ZAKS 食晚餐

(ZAKS)

選擇坐室內 (外面太熱)

食物、環境、服務、價錢都好OK

大大碟，味道都好正

下完呢次水... 我相信今年未必會再去沙灘

實在太曬太累.... 轉去其他室內/泳池應該會好D

Welcome to S.K.Y. Lovely Family

DIY ♥ 防曬乳液 ♥

自從愛上左精油後，令我開始學習 DIY

呢次就試下整簡單版 - 防曬乳液

真係勁簡單架!  小朋友自己整都得

材料: 

KidScents Lotion 、精油 (Lavender + Carrot Seed)

** KidScents®乳液使用草本精華和獨有的植物混合物，能夠滋潤和軟化兒童的敏感皮膚。產品含有MSM、有鎮靜和舒緩功效的牛油樹脂、蘆薈、抗氧化維生素、小麥胚芽和杏仁油，以及有提升作用的精油，促進皮膚健康。 無人工色素，無有毒成分。 **

** Carrot Seed - SPF 38-40, Lavender - 抗敏消炎 **

做法: 

1. 倒出適量的乳液 (40ml)

2. 加入 8 滴 Lavender 同 18滴 Carrot Seed 精油

3. 攪拌至混合晒就可以入容器 

完成!! 

(可以去同陽光玩遊戲啦!!~)

測試過後，真係堅正!

無論搽面定係全身都好快就吸收晒，

完全唔會"笠痴痴"，最重要係冇味 (只有精油味)

(唔多鍾意平時用開防曬O個D 味)

平時曬完都會勁紅再變黑，

搽左又真係冇紅又唔見黑左好多  哈哈!! ♥♥

Welcome to S.K.Y. Lovely Family

四歲生日♥ 迪士尼之約會♥

差不多兩年冇入迪迪尼啦!~  真係有D掛住呀!~♥

(冇計..... 真心唔想入園只係為左排隊~ 又排隊~ 再排隊...)

今年肯入去，主要係因為小主角想去，咁就冇得避

由答應佢那天起，佢間中都會提下你，驚我地唔記得

直到生日那天，我一早六點左右起床..... 擔心... 下雨了! (仲要係黃雨+雷暴)

點算??? 點算??? 突然.....小霸王起左身出黎

小: 媽咪，今日係咩日子?

我:  我知呀! 我記得! 你生日囉!

小:  我生日，去迪士尼呀! 

我:  唔..... 落好大雨呀!

小: 唔怕，擔遮咪得囉!

我:   吓.... 咁我地等多一陣睇下天氣先...

見佢滿心期待、滿心歡喜咁

為左唔想佢失望，九點幾時見開始停雨我地就即刻出發

OMG... 估唔到落雨天的迪士尼都可以咁多人

我估係STAR WAR Promotion 就黎完 (15-07-2016 end)

我地都係買promotion price HK$1302 (包三張入場劵) 入場

買完飛入場時已經十一點啦~

第一時間去睇新野 ~ 迪士尼魔法書房

新故事有藉口叫爸爸入去睇

(對上"金裝"睇左一次後，冇再入去啦~ >_<)

轉左新故事，又真係好好睇喎!! 

連平時睇野三分鐘熱度的小霸王，全程都冇話要走

睇完之後，就去玩..... 小霸王最愛....轉到你暈的旋轉杯

呢兩位笑到咁開心的人..... 真係唔會放過我囉!!

再黎.... 梗係要玩.... 小熊維尼

勁多人.... 所以架車.... 跳得勁快

玩左一輪休息下先，見個天都好光，太陽都出來!

周圍影下相

點解?? 會冇左個巴斯光年?? 幾時冇架?? 

連揸車車都冇埋??  (真係out 左)

巡遊前.... 食左late lunch 先!

簡簡單單的.... 食hot dog! yummy!

食飽飽就去BABY ROOM 換套衫先

真係又濕又熱

巡遊... 唔知點解睇完又睇都咁鍾意睇!

睇完巡遊，又係時候入返冷氣地方

玩完迷離莊園，膽小的小霸王完全唔肯玩反斗奇兵大本營D 野囉!

我:  玩跳降傘啦

小: 玩乜架? 唔玩

我: 唔洗驚... (指俾佢睇)

小:  我唔玩呀! 我唔想玩呀! 

我:  唔洗驚，試下啦!

小:  我都話唔玩囉! 我唔想玩呀! 

我:  咁呀! 咁不如玩彈弓狗?

小: 上次咪玩過囉!

我: 你想玩都可以再玩架!

小:  唔玩啦! 玩過啦!

就係咁.... 冇得玩.... 佢媽咪我.... 唔多高興囉!! (哈哈~)

唉! 咁就去睇我最鍾意的 3D米奇幻想曲

一早知佢唔鍾意戴超，諗住講定俾個心理準備佢會好D...

點知都係....... 全程唔肯戴... 最後.... 咪好似第三張相咁睇足全場

但就係我幫佢揸住囉!! 激死人....

繼旋轉杯後，小飛象佢都玩得好開心

全程係最高點.... 佢想仲高D....

(可唔可以話俾我知..... 點解小飛象咁高你又唔驚? 降落傘你又怕咩呢?)

不知不覺，身心都玩到好疲累，係時候要Shopping 下啦!~ 

錫到佢濃的爸B 簡直係任佢揀囉!! (不過就只可以揀一樣野)

原本以為佢會揀NEMO..... 點知佢.....

最後係揀左Ariel! ♥ (女仔真係女仔)

揀完禮物，諗住睇夜間巡遊

點知.... 天公不造美，落雨....

夜間巡遊宣布"取消".... o... 好失望!  唯有提早回家吧!!

去一日迪迪尼.... 真係累到冇朋友呀!

回顧: 

2nd Visit

1st Visit

Welcome to S.K.Y. Lovely Family