K3 班 ~ 畢業旅行@迪迪尼

說時遲那時快  

畢業旅行已經係三月中在迪迪尼完結左囉

當日... 距離畢業只有 95天 (而家應該得返6X日吧)

我真係好唔捨得呀!! (嗚嗚)

 畢業旅行當日我地要好早起身  7點幾就要返學校集合

8點半出發  九點到 先在樂園外影張班相

跟住小朋友就著畢業袍戴上米奇四方帽入園

小朋友企係火車站長梯同米奇一齊影大合照

以及同高飛影張單人照

跟住.... 就完成左呢個『迪士尼畢業慶典』啦!!

過程好快，我估15分鐘左右吧!!~ 

之後同校長、班主任影下相咁

攪掂晒，就自由活動囉~

自由活動時間梗係換返套靚衫啦!

由畢業小女生 → 小霸王公主 

時間尚早再加上平日  唔算多人

所以小霸王可以好快就玩左佢想玩的

旋轉木馬、咖啡杯、小熊維尼.....

難得佢著到咁公主   梗係周圍幫佢影下相啦!!

天氣好  影D相特別靚

唔知點解唔多人   但我地卻冇機會同D 公主影相

去到都CUT 龍  激死  好彩都影到一張相姐   

冇得同公主影相  唯有繼續周圍玩

彈弓狗、米奇3D、小飛象、魔法書房..... 睇埋日夜巡遊

雖說係學校畢業旅行   但我覺得同自己去迪士尼冇乜分別

由朝玩到晚   大家真係身心疲累囉!! ^_^

A Happy Memory & Magical Experience In Disney Grad Days

我的八天新年假期

新年假期轉眼就完結，返工的返工，返學的都要返學啦

放左兩星期多假期的小霸王公主  又出現小小分離症

當然我預左佢會咁  所以數日前開始已經話定佢知

我放到幾時? 佢幾時要返學?

好彩K3的她已經冇細個時咁   大個左真係好DD

只係扭小小計  但都可以接受

不過講真，大人都會唔想返工，更何妨小朋友呢? (係咪?)

連續八日陪住佢的機會? 一年又真係只得新年囉

所以我都唔捨得返工!! 哈哈~

放假雖然會比返工忙碌，

但在職媽咪的我真係覺得開心過返工!

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第一天  (年三十)

行程: 領取護照 → YOHO Mall  → 上學習班  → 申請兒童戶口 → 行花市

一早預約定呢一日早上去領取護照，排隊申請的人真係好好好多

好彩我先郵寄申請左，呢日只係去領取咋!! (唔洗10分鐘就攪掂)

跟住就去左YOHO MALL 行下，仲去左"老父子"餐廳食左個早餐

不過~ 可能多人，我個人覺得服務一般，食物味道太濃 (有點喊)，價錢OK !!

行完就要去學KUMON，再順路去渣打開埋個兒童戶口

點解揀渣打??? 原因.... 近屋企咋!! 仲有係Disney account吧!

係屋企食埋團年飯後，就出左元朗行左陣花市

小霸王公主仲買左一隻大柴犬

** 呢日我貪玩幫小霸王攪攪個髮型，變左做 "包租婆"!! 哈哈~ **

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第二天  (狗年大年初一)

行程:  拜神 (婆婆娘家)  → 老家  (年年不變)

恭喜發財  年年有餘

大吉大利  身體健康

龍馬精神  花開富貴

YEAH!!  終於到左十二生肖中最鍾意的"狗"年啦!~

仲唔係我的世界，哈哈~  

狗年年初一又黎親子唐裝 (新年先有呢個機會)

再出動埋私伙珍藏布甸狗手袋仔

一於要係"狗年行個大大大運"先!!

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第三天  (狗年年初二)

行程:  酒樓開年  → 婆婆家  → 姑婆家

年年一樣，我地一早去酒樓開左年先

跟住就返婆婆家再食個午飯

最後，再出發去三姑婆家團拜

小朋友任玩 Nintendo Switch

大人任打麻雀

開開心心玩左一個晚上!! 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第四天  (狗年年初三)

行程:  濕地公園  → 婆婆家

雖然前一晚玩到半夜先返屋企
但第二日我地都有出街
近近地去左見下"貝貝" (哇! 真係好肥美)
逗留左一個多小時，俾婆婆急CALL 去開枱!
所以我地又大戰四方城一個晚上 (今次真係打到零晨三點)

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第五天  (狗年年初四)

行程:  V City  → 屯門市廣場

大戰過後真係唔可以再咁做出街
呢日約左好友Sandy 姨姨行下街街、傾下計
仲可以影下狗仔  輕輕鬆鬆!!

屯門時代廣場 X 豆柴‧三兄弟

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第六天  (狗年年初五)
行程:  朗豪坊  → 青衣城  → 荃灣綠楊坊 / 千色匯 → YOHO Mall

紅日過後，估計冇咁多人下，我地二個就出動搵狗仔影相囉!!!

朗豪坊  X 忠犬麻糬柴犬

第一站揀朗豪坊，係因為怕晏D 會多人
我地11點到，人唔多，快快手影完就去第二到
經過LINE 又可以影下相

青衣城 X  SHIBAinc 柴犬

荃灣綠楊坊 / 千色匯  X 萌爆哥基

坐港鐵真係好方便，呢日可以去到三個地方影相

D 狗仔真係好得意，拍拖影相大滿足，但腳仔都好累下

YOHO MALL

影夠相後，我地就返去YOHO MALL買預售飛(二日後)睇戲

再去公園玩下 就返屋企囉!!

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第七天  (狗年年初六)

行程:  家姐仔劍擊比賽  → 九龍公園  → 1881 → 家姐仔屋企

呢日重要任務就係睇家姐仔劍擊比賽
第一次睇劍擊比賽的小霸王公主，睇到好緊張
不停叫"加油加油"，最後家姐仔16強止步 (下次再努力!)

比賽完去食元氣補充返體力
之後去左九龍公園、1881、海港城影下相
再返家姐仔屋企玩餐飽

呢三老表一齊的話，真係好好..... 嘈!!
(能夠有你地二個陪住小霸王公主長大，我真係好開心)

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第八天  (狗年年初七)
行程:  YOHO Mall  →  家姐仔屋企

真係估唔到.... 小霸王公主會主動提議睇戲???   佢揀左"快D啦牛牛"
完全唔知套戲講乜? 好唔好睇? 的情況下，兩個就拍拖去睇早場!

"快D啦牛牛"
我覺得都幾好睇，幾好笑!!
而小霸王公主都尚算OK，睇左個幾鐘先問走得未?
最後佢都肯乖乖睇晒全套先走

睇完戲，我地又......去左搵老表啦!!

相聚半日後就返屋企食晚飯

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

我的八天新年假期，正式完結
真係好充實! 好滿足!!

期待下一個小長假

Little M 親子教室 ※ 阿茂整朱古力布丁 ※

事緣係我一直好想整啫喱杯 (加花奶...Yummy!!)

但係我家小霸王公主係完全唔食的，所以... 冇機會

佢話啫喱有朱古力味佢就食

吓??? 應該冇吧!!~

點知有一日行開百記，居然見到.... 呢盒朱古力味布丁

哈哈~ 即刻買黎試下

做法大致上同整啫喱粉一樣

所以小朋友小心D 都可以自己整到

雪左大約二小時，就食得!!

其實完全唔係布丁，真係似啫喱多D

但味道係淡淡的朱古力味，小霸王公主話好好味喎!

(我個人鍾意啫喱多D)

K3 班 ~ 中國舞表演

踏入K3，好開心小霸王公主有新嘗試

就係..... 參加學校的中國舞班

K2時，班主任在堂上有問過小朋友想學習那一樣?

小蜜蜂? 銀樂隊? 交通安全隊? 啦啦隊?.....

但小霸王公主一樣都唔想試，

直到 K3終於肯啦~ 我真係比俾佢仲開心呀! ~

中國舞同佢學緊的JAZZ舞分別都好大，但估唔到佢都一樣咁鍾意!

諗住只係學習，估唔到都有表演

第一次 中國舞表演 @ 學校 25週年校慶

好可愛的小村姑，哈哈~  (媽咪見到簡直係心心眼)

第二次 中國舞表演 @ 天瑞商場

兩次表演都好淡定，仲一次比一次好!

每次見你用心及投入地表演，媽咪我都超級開心同感動

期待你有更多精彩的表演!!

媽咪我永遠都會係你最忠實粉絲!!

Little M 親子教室 ※ 阿茂整朱古力波波 ※

前排聖誕節長假，無無聊聊咁.... 

就係屋企搵D 野整下....

用屋企有的食物、水果、材料，DIY.....

哈哈~

材料: 

水果 (隨意)、Pancake 粉 (購自360)、牛油、水 (或奶)、蛋、水果、朱古力醬

(份量盒背有列明)

做法: 

1. 水果切片待用。

2.  將所有材料續一加入器具，拌勻成麵糊。

3. 預熱電熱盤後，掃上薄薄的油，加入班戟漿

4.  當底部開始成形時，以竹籤將波波反轉，就攪掂!!

5. 用水果及朱古力醬裝飾下就食得啦!!

加入左小朋友最鍾意的朱古力

一定肯食完再食啦!~ 

加埋鍾意的水果當一個小小的 TEA 真係唔錯架!! 

Yummy!! Yummy!!

K3 班 ~ 親子賀年咭設計比賽

哈哈~ 每年聖誕假期，就係媽咪我獻醜的時候

因為又到親子賀卡設計啦~ 今年已經係第三年參與，

亦都係最後一次機會參與了。 K3 來得太快吧!!~

呵呵~  估唔到今年..... 交到功課之餘又可以攞到小小的優異獎

感恩~感恩~感恩~ (重要的話要講三次)

能夠參與三年，三年都得同一個獎???

感受..... 唔知點咁?? 哈哈~

小霸王公主話.... 可唔可以攞其他架?

我.... 無言! (冇計啦! 媽咪畫功係咁多架咋...... 小學靠你啦!!)

明年小學，應該可以同"親子設計"講BYE BYE 吧!

(可以順一口氣)

衷心再次感謝學校對美術零蛋的我

三年來的小小鼓勵，謝謝!

回顧:

K1 班 ~ 親子賀年咭設計比賽

K2 班 ~ 親子賀年咭設計比賽

忙碌♥開心♥傷感♥ 的十一/十二月

接近三個月冇更新了， 呢三個月的生活實在太充實

上班時間完全冇停手 (想偷下懶都唔得)

下班就.... 完全累到冇朋友.....

工作上過左年尾，終於忙完七七八八了

剩下來的.... 對我來說都算輕鬆!! ^^

工作就唔再多講，講返我家小霸王公主吧!!

呢二個月都冇乜點帶佢周圍玩

因為佢星期日好多時間都用左去彩排跳舞

好彩佢鍾意咋! 唔係.....

♥ 野餐 @ 紅磡嘉里酒店草地♥

十一的天氣都仲係熱熱地，但都好適合野餐

本來就計劃去迪迪湖的，可惜小霸王公主病病地就改左去近D 地方玩一陣

我地一點左右到，冇乜人好舒服，係就係冇遊戲設施

但小朋友都有地方走黎走去，玩得都好開心

最重要係玩完，仲可以近近地去黃埔行陣街街

♥ 攤位遊戲 @ 元商中學♥

好小會帶佢去玩，因怕多人
幸好呢日居然冇乜人，都玩左唔小攤位

♥ 平安夜表演 @ 愉景新城♥

彩排左一個月的表演，大成功!
最重要係佢能夠開心同投入地跳舞，更加增強左自己的自信心!!
期待你下次的表演

♥ 聖誕節 @ 屯門 ♥

問佢想去邊到?? 佢答你屯門.... 吓?
一來可以買聖誕禮物，二來可以去埋"爬蟲館"
真係唔知道有乜咁好睇?? (其實係得我怕咋)
聖誕大餐... 佢揀左去食有高速線的元氣，有得玩有得食
佢超開心囉!! 哈哈

♥ Boxing Day @ 天水圍 ♥

近近地去下公園玩下，行下街街咁就算囉!

♥ 除夕BBQ @ 大埔麥師傅♥

一行十幾人去任食BBQ.... 由七點幾燒到第二日零晨二點幾
生完阿囡之後，真係第一次玩到咁夜呀!
但一家人能夠開開心心BBQ，係一件好幸福的事!!

*************************
點解最後會用個"傷感"黎形容呢?
十一月..... 自行派位.... 冇我地份....
十二月..... 一個親人離開左我地.... 好唔捨得....
估唔到.... 來到 2018年尾先發生咁難過的事
希望2019年我的家人繼續健健康康 ，開開心心!!