又... 四日三夜法國...醫院之旅

真係唔想加個"又"字係個topic 到....

但..... 真係"又" 又唔可以唔加，唉!! 

今次.... 入院... 都可以話係我地大人的錯失，點解咁講?? 

小霸王keep 住發燒左三日，兒科醫生都睇左二、三次

佢係燒完又退，退完又燒，仲高燒過 (今次公院急症都睇埋)

公院醫生:  

小朋友發燒好普通，小便驗左冇野，照肺又冇事, 回家食藥觀察吧!

兒科醫生:

佢肚仔痛應該係腸胃炎，食藥 + 只可食粥水一星期

食藥+粥水兩日..... 小霸王燒退左，但話肚仔好痛

所以我地都係決定帶佢去私院睇下仲乜事

估唔到而家D 私院.... 生意真係多到你想睇都未必有你份

好彩有親戚幫手，先可以BOOK 到蔡醫生咋! 

蔡醫生: 肚仔痛，可能係發炎，入院CHECK 下吧!!

22/11 ~ 25/11 四日三夜法國...醫院之旅開始啦!!

DAY 1

小朋友入院最痛非... 種豆莫屬

今次.... 要出動四個護士先攪得掂佢... (喊到聲都沙晒)

出到黎.... 仲好淒涼咁同我講:: 『我搵左你好多次呀媽咪』

媽咪我當然知道啦!! (外面等的我，心痛.... 都流晒血)

種豆→ 抽血((驗血) → 照超聲波 (全個肚仔) → 吊鹽水+葡萄糖水 

醫生俾小霸王食野，但只可食清淡的粥 / 通粉

DAY 2

一晚過後，小霸王精神體力回復五成，肚仔亦都冇再痛

報告都出左，醫生話: 腸發炎，CBP 高出7倍，要留便便作檢查

開始食治肚痛藥+益生菌+抗生素

DAY 3

小霸王好返七八成，食得瞓得走得

醫生落藥下放到便便啦!

繼續食治肚痛藥+益生菌+抗生素

DAY 4

再抽血驗，CBP 已回落返接近正常，所以可以出院啦!!

醫生話:  要食多D水果，多D纖維，多D蔬菜!

前題話"我地大人的錯失"....

唉! 因為我地冇嚴格地要求小霸王食水果, 去便便

今次入院除左提醒大人之外，仲嚇到呢位小朋友

小霸王終於到明白水果、蔬菜的重要

佢知道自己每日要食三份水果蔬菜，唔係就去唔到便便

冇便便有可能又要打針針，所以佢而家好合作! 哈哈~ 

(深深明白.... 經一事長一智)

回顧:
四日三夜法國...醫院之旅