【補文】平安夜 @ 2012.12.24

││ ● 2012 平安夜 ○ ││

第一個三人行的平安夜，
一早已計劃同阿囡一齊出外感受下節日的氣氛。

因為唔係中國節日，
老細唔肯放早... 激氣呀!! (算吧... 唔好要求咁高)
所以只好收工返屋企食飽飯先出去啦!!

由於唔想同人迫+阿囡太細+天氣凍...
我地就決定近近地去TM 行下。

估唔到平時勁多自由行的屯門市廣場今晚居然勁小wor，
所以行得好舒服 (如果平時假期都可以咁就多好呢? 發夢啦!! )

行下反斗城、吉之島，
主要都係睇下阿囡d 野，
但sales 話明天開始做promotion平好多，
攪到我地... 唔想買.. (感覺係買左會好唔底咁)
不過最後我都唔肯，
難得聖誕節冇理由唔買野俾阿囡架嘛!!
最後，買左個適合阿囡而家玩的玩具。

俾錢時，阿囡係要hold 住唔俾sales，
勁攪笑!!
咁細就咁霸道??

帶住呢個小小霸王出街都唔易，
唔夠11點就要返屋企飲奶奶瞓覺，
都好o既可以休息下嘛!!

『媽』@ 2013.02.25

懶惰的我又放下寫blog的動力一排了，
但開始... 有小小後悔tim，
唔得... 要繼續返先... (冇時間咪唯有係公司冇野做時update 下囉!!)

其實阿囡二個月大左右時，
佢都間唔中發出d "媽"音，
我當然唔係好肯定係咪叫我啦，
但都已經好好... 開心。

到近日，
阿囡又開始發多左其他音，
例如: 『喂』、『呀』、『奶』等...
好想佢叫我，
你越想佢就越唔叫...

點知... 有一晚幫阿囡換片瞓覺時，
佢好大聲咁... 叫"媽"
我o個刻係.. 定左一定....
問佢.. 你係咪叫我呀??
佢眼定定咁望住我笑，
連老公仔都話... 佢叫你, 讀音好正...

哇... 開心到爆，
摟住阿囡， 不停讚佢叻女...
好感動，真係忍唔住眼濕濕...
因為我真係等左好耐呀!!

雖然阿媽話，小朋友叫邊個先，
o個個就"辛苦命"。
唔緊要，辛苦d 又如何....
(老公仔... 都開始呷醋... 哈哈)

自o個晚起，阿囡...
開始叫我多左，
原來做阿媽的....就係可以咁易滿足架!!