▌台劇 ▌惡作劇2吻



最後一集的"惡 2"已經o係尋晚播左囉，真係好唔捨得呀!!

四個月以來，每逢星期日晚上十點鐘，我一定坐o係電腦收看"惡 2"，漸漸成為『習慣』啦... 而家呢個『習慣』一下子就要停，你話我應該點好呢?? 諗起都有點唔開心tim..

我知道『有開始，就會有結束』，唔會沒完沒了的，只但係... 到o個刻又真係會令人好難接受。

唔知道幾時先可以再搵到一套令我咁喜愛的偶像劇呢??

哈哈... 我諗o係我未搵到之前，我都係煲番『惡 + 惡2』。

《江直樹 + 袁湘琴》

Annual Dinner ~ 跑馬地馬場

上星期五(4月25日) 又係一年一度的annual dinner，今次都係o係鬼死咁遠的港島舉行，冇計啦... 公司o係港島，點有得reject 呢?

今年的主題係『睡衣』，吓.... 唔係呀ma.... 想死呀... 哈哈... 不過今年居然勁多人玩wor，我地team 又點可以唔玩呢??

(係咪好有team work feel 呢?? 哈哈...)

(我的好team members... yeah!! 四個都抽到獎，只有我抽唔中... 勁unlucky!!)

(第一次著住睡衣食自助餐... 感覺好奇怪... 哈哈)

我覺得今年比去年開心好多，可能係轉左team + 新team member 太好，所以玩得特別開心... 哈哈..，雖然抽獎仍然冇我份，但係真係玩得好開心呀!!

『咭』之回憶

尋晚因為好無聊 + 好悶底下，就去打開我的寶箱..... 點知... 哈哈.. 俾我搵到十年前開始收到的生日咭呀!!! 數一數都有十幾廿張，仲保存得好好wor!! 雖然唔係好多，但係.... 好姊妹寫俾我的每句話，都令我好warm呀!! (作死呀... 攪到人眼濕濕tim)

(1998 ~2000)

(2001~ 2002)

o係2001年前的生日咭中，好姊妹的祝福語就係梗有『快 d 搵到男朋友』+『越來越靚』!!

(2004 ~ now)

之後... 就變左『早日結婚』!! 哈哈... 我諗我的好姊妹真係好擔心我冇人要... 唉...

(最迷你的生日咭!!!purin... i loving it.)

(最攪笑的生日咭..... 『非你莫屬』吧!!! 我諗送呢張俾我的當事人都未必記得佢作過呢首歌... 哈哈...)

PS: 好姊妹快d 黎認領呀!! 仲有好多謝你地陪我一起長大呀!!! 全靠你地每年的祝福，我先可以找到我的『幸福』+『美麗』... 哈哈...Thanks !!!(之後，可唔可以祝我發大財呢????)



颱風過後....

估唔到呢個颱風『梡熊』黎得快，走也走快... 哈哈...

尋晚仲橫風橫雨，今日已經風平浪靜啦。 都好o既，我至討厭『落雨』呀!!!! 再加上難得的假期點可以俾呢個『不速之客』影響晒d心情呀....
今日冇出街，留o係屋企睇下台灣偶像劇，呢次唔係『惡作劇2吻』啦... 哈哈.. 係一套本來諗住唔會睇o既『命中註定我愛你』(仲播緊ka咋)，唔... 睇左幾集都覺得唔錯，值得睇下(如果男主角靚仔d會仲好...哈哈)，劇情係就係普通左d，但係我好鍾意首片尾曲....

【心願便利貼】[命中注定我愛你片尾曲] 主唱：吳忠明 & 元若藍

(男)一天一天貼近你的心 你開心 我關心
(女)一點一滴我都能感應 你是我 最美的相信

(男)等不到 雙子座 流星雨 灑滿天際
(女)先點燃 九支仙女棒 代替

(男)最燦爛 不一定 要許多 鑽石黃金
(合)看你眼睛 有幸福的倒影

(女)把你的討厭 宅急便 送到天邊
(男)平凡的傻事 用了心 變成經典
(合)存滿滿的心願 便利貼 貼成無限
就是我們 最富有的宣言

(男)把你的喜歡 每一天 複習兩遍
(女)驚喜的預言 我的天 通通應驗(都為你 提早應驗)
(合)你和我的心願 便利貼 貼心裡面
收集感動 給以後懷念

(女)一天一天貼近你的心
(男)一點一滴我都能感應
(合)你是最美的相信

(我都係覺得直樹+湘琴比較好...哈哈..)

懶散

估唔到自己會咁懶wor... 哈哈

話咁快就四月啦... 時間真係過得好快，好似唔多夠洗咁 (同d 錢一樣呀!!)!!! 有時都會諗，自己日日咁返工放工，點解呢??? 唉.... 可能人生就係咁啦....